Presidentja Vjosa Osmani ka premtuar që do të dekorojë ekipin e Kombëtares së Kosovës me medalje presidenciale të meritave, pavarësisht rezultatit që do ta kenë në ndeshjen e nesërme ku do të përballen me ekipin e Turqisë.
Në një ceremoni të ndarjes së dekoratave presidenciale, Osmani ka thënë se pavarësisht rezultatit që do të tregojnë nesër, ky ekip ka bërë historinë.
“Ne duhet t’i vlerësojmë edhe ata që po i dhënë shpresë qytetarëve të Kosovës. Pavarësisht rezultatit të ndeshjes së nesërme Kosovë – Turqi, ekipi i Kombëtares së Kosovës tashmë e ka bërë historinë. Kam nderin që të ju njoftoj që pikërisht për këtë kontribut të pamatshëm, për krenarinë që i kanë dhënë vendit në çdo moment, për shpresën që po i jepin këtij populli në hapat përpara, medalja presidenciale e meritave menjëherë pas fitores së nesërme, por pavarësisht edhe rezultatit, do t’i ndahet ekipit të Kombëtares së Kosovës”, tha Osmani.