Presidentja Vjosa Osmani e ka cilësuar si historike marrëveshjen që nënshkroi sot në Davos krahas Presidentit amerikan, Donald Trump, që Kosova të bëhet pjesë e Bordit të Paqes, duke thënë se kur Amerika udhëheq, paqja është gjithmonë më e sigurt.
Osmani ka deklaruar se kjo marrëveshje do t’i dërgohet Kuvenditt ë Kosovës për ratifikim për të marrë miratimin final, shkruan Reporteri.net.
E para e vendit ka thënë se Kosova është anëtare themeluese, e barabartë dhe me të drejta të plota, teksa ka falenderuar Trump për ftesën.
“Anëtarësimi në organizata ndërkombëtare të paqes e që udhëhiqen nga aleati ynë strategjik, fuqizon sovranitetin tonë, pozicionin tonë ndërkombëtar, si dhe është në interesin më të lartë të Republikës së Kosovës. Prandaj, kjo marrëveshje historike do t’i dërgohet Kuvendit të Kosovës për ratifikim, në përputhje me kushtetutën e Kosovës, për të marrë miratimin final të përfaqësuesve të popullit.
Faleminderit Presidentit Trump për lidershipin e tij dhe për ftesën që ta përfaqësoj Republikën e Kosovës në këtë moment historik. Kosova do të jetë në shërbim te paqes, sot e përherë!”, ka shkruar Osmani.
