Gazetari Parim Olluri, ka thënë në “Pressing” të T7 se Albin Kurti ka bindje të rrezikshme autoritare.
Ai tha se asnjë figurë e rëndësishme ndërkombëtare nuk shkoi t’ia urojë fitoren, përpos takimit me Emmanuel Macron, ku Olluri tha se “është folur për Asociacionin”.
Olluri tha se opozita nuk do duhej të bisedonte me Kurtin pas 4 marsit, sepse Kurti i përdori këto takime për kampanjë.
“Është një person me bindje të rrezikshme autoritare dhe diktatoriale ndoshta, i ke 51%, krejt pushtetin në dorë dhe e udhëheq një vend të izoluar dhe nga dita kur ke fituar zgjedhjet ne dhjetor nuk e ke asnjë takim të rëndësishëm pos me Macronin kur është folur për Zajednicën”.
“Unë mendoj që më 4 mars kur nuk ka pasur marrëveshje, opozita është dashur mos të diskutojë me Kurtin. E mori LDK-në dhe PDK-në i zhvilloi takimet dhe e përdor për kampanjën e re”, ka thënë ai.
