Një person i shtrirë në tokë – Pamje nga vendi i ngjarjes ku u plagosen dy persona në Ferizaj

Dy persona dyshohet se janë plagosur mbrëmjen e sotme në Ferizaj, në afërsi të një barnatoreje.

Insajderi ka siguruar pamje nga vendi i ngjarjes ku një person shihet se ka mbetur i shtrirë në tokë.

Kanun Veseli, zëdhënës i policisë për rajonin e Ferizajt, i tha Insajderit se dy persona janë plagosur dhe janë dërguar për trajtim mjekësor.

“Me datën 10.04.2026, rreth orës 22:00, kemi pranuar një informatë se në rrugën “Driton Islami”, në afërsi të rreth-rrotullimit, ka pasur të shtëna me armë zjarri. Sipas informatave të para, dyshohet se dy persona janë plagosur, të cilët janë dërguar në Qendrën Emergjente në Ferizaj për trajtim mjekësor. Për detaje të tjera do të njoftoheni me raport vijues “, konfirmoi Veseli.