Nis gjykimi në mungesë ndaj 53 të akuzuarve për Masakrën e Mejës

Në Gjykatën Themelore të Prishtinës ka filluar seanca në mungesë ndaj 53 të akuzuarve për Masakrën e Mejës.

Më 27 prill 1999 në Mejë të Gjakovës u vranë 376 persona.

 27 vjet më parë, forcat serbe rrethuan Rekën e Keqe dhe Lugun e Carragojës në rrethinën e Gjakovës,

Brenda disa orëve u krye ekzekutimi më makabër dhe masakra më e madhe në luftën e Kosovës gjatë viteve 1998-1999.

Në një operacion të planifikuar u ndërprenë të gjitha rrugët duke lënë të hapura vetëm dy rrugë në drejtim të Mejës.

Grumbullimi i djemve dhe burrave në grupe nga mosha 15-60 vjeç filloi në orët e hershme të mëngjesit.

Në një bilanc të tmerrshëm u goditën 15 fshatra të rrethit të Gjakovës, duke i ekzekutuar të gjithë djemtë dhe burrat shtëpi për shtëpi.