Një ngjarje e rëndë ka tronditur të dielën mbrëma fshatin Kërvasari të Malishevës, ku një 25-vjeçare shtatzënë ka humbur jetën, ndërsa i plagosur ka mbetur bashkëshorti i saj i cili dyshohet për vrasjen.
Lidhur me gjendjen shëndetësore të këtij të fundit, ka dhënë detaje, zëdhënësja për komunikim në QKUK, Mirlinda Qyqalla.
Lidhur me rastin e raportuar më datë 24 gusht 2026 në Qendrën Emergjente të Qendrës Klinike Universitare të Kosovës (QKUK), ju njoftojmë se gjendja shëndetësore e pacientit, 26-vjeçar, vazhdon të jetë e njëjtë.
Pacienti është duke marrë trajtim mjekësor dhe vazhdon të jetë nën përkujdesjen e stafit shëndetësor në Qendrën Emergjente të QKUK-së’’, ka thënë ajo për T7.
