Nga Shatërvani në Therandë, PDK shpalos vizionin dhe dëgjon zërin e qytetarëve: Gratë dhe vajzat nuk janë vetëm shtylla e familjes, por forca lëvizëse e shtetit

Kandidatët e Partisë Demokratike të Kosovës (PDK) nga dega e Prizrenit kanë vijuar intensivisht aktivitetet elektorale, duke u ndalur në pika kyçe të qytetit dhe rrethinës për të shpalosur programin e tyre dhe për t’u dëgjuar zërin e qytetarëve.

Takimi në Shatërvan me Bedri Hamzën

Dita nisi në qendër të qytetit, ku kandidatët për deputetë, të shoqëruar nga kryetari i PDK-së dhe kandidati për kryeministër, Bedri Hamza, qëndruan në Shatërvan. Gjatë kësaj vizite, ata bashkëbiseduan drejtpërdrejt me qytetarët dhe bizneset e zonës, duke u njoftuar nga afër me kërkesat e tyre të përditshme dhe nevojat për investime në infrastrukturë e ekonomi.

Gruaja si forcë lëvizëse e shtetit

Një vëmendje e veçantë gjatë ditës iu kushtua rolit të gruas në shoqëri. Në një takim me gratë e komunës së Prizrenit, kandidatët riafirmuan mbështetjen e tyre për fuqizimin gjinor. Gjatë këtij takimi, kandidati Fetah Paçarizi vlerësoi lart kontributin e tyre, duke deklaruar: “Gratë dhe vajzat nuk janë vetëm shtylla e familjes, por forca lëvizëse e shtetit!”

Tubimi në Therandë dhe vizita në familjen Bytyqi

Mbrëmja vazhdoi me një mobilizim të madh në Therandë, ku u mbajt tubimi qendror me strukturat e partisë dhe simpatizantë të shumtë. Mesazhi kryesor ishte uniteti dhe gatishmëria për ndryshimet që e presin vendin.

Aktivitetet e ditës u finalizuan me një vizitë simbolike në familjen e madhe Bytyqi. Z. Paçarizi e cilësoi këtë familje si shembull të patriotizmit:

“Familja Bytyqi ka qenë pjesë e çdo etape të rëndësishme të shtetit tonë, duke treguar gjithmonë se si duhet atdheu,” u shpreh ai, duke vlerësuar qëndresën dhe kontributin e tyre historik.