Më 30 nëntor do të përfundojnë tri nga afatet kryesore që kanë të bëjnë me subjektet politike për zgjedhjet e parakohshme për Kuvendin e Kosovës, të cilat do të mbahen më 28 dhjetor 2025.
Aplikimi për certifikim i subjekteve politike që duan të marrin pjesë në zgjedhje; formimi i koalicioneve nga partitë politike; dhe njoftimi për mospjesëmarrje në zgjedhje – janë aktivitetet kryesore, afatet e të cilave do të përfundojnë më 30 nëntor, në orën 23:59.
Ndërsa dorëzimi i listave të kandidatëve ka afat deri më 7 dhjetor.
Procesi zgjedhor do të zhvillohet sipas këtyre afateve kryesore:
Deklarimi i partive politike për mos-pjesëmarrje në zgjedhje: 24–30 nëntor 2025.
Deklarimi për pjesëmarrje përmes koalicioneve: 24–30 nëntor 2025.
Aplikimi për certifikim të subjekteve politike: 24–30 nëntor 2025.
Dorëzimi i listave të kandidatëve: 24 nëntor – 7 dhjetor 2025.
Tërheqja e shortit për renditjen në fletëvotim: 8 dhjetor 2025.