Kandidatja për deputete nga radhët e PDK-së, Ganimete Musliu përmes një postimi në facebook ka deklaruar se urdhri për nisjen e njësisë speciale në Skenderaj mbrëmjen e së enjtes ka qenë i pasaktë ose i rremë.
Sipas Musliut, njësia speciale fillimisht ishte informuar se do të nisej drejt veriut të vendit, por gjatë rrugës është ndryshuar destinacioni dhe është kuptuar se objektiv ishte Skenderaj, shkruan Gazeta Demos.
Ajo ka pretenduar gjithashtu se gjatë këtij procesi ka pasur presion mbi strukturat komanduese të policisë në Mitrovicë dhe njësinë speciale.
“Në bazë të informatave që kam, njësiti NJSO në Skenderaj përfundoi pas një urdhëri të rremë.
Atyre u ishte thënë se po niseshin për një aksion në Veri. Në rrugë e sipër ata e kuptuan që destinacioni i tyre ishte Skenderaj. Dhe kjo manovër është pikërisht ajo me çfarë do duhej të merrej prokuroria e shtetit.
E gjithë struktura komanduese e policisë në Mitrovicë dhe ajo e njësisë speciale në fjalë, iu nënshtruan një presioni të tmerrshem, nga marioneta e Albin Kurtit, Xhelal Sveçla. Kurse Mehani i cili në Drenicë do mbahet mend si i pari pas Millosheviçit që kontribuoj në shtetrrethimin e Skenderajt, ishte vetëm një figurë e vockël në gjithë këtë teatër. Qëllimi i tyre nuk u realizua.
Respekt për gratë dhe burrat e uniformuar që treguan rezistencë, qetësi dhe profesionalizëm.
Drenica është gjithmonë vigjilente dhe në mbrojtje të shtetit dhe kombit nga armiqë të jashtëm, por edhe të brendshëm”, ka shkruar Musliu./GazetaDemos/
