Musliu: PDK është dhe do të mbetet shtylla e Kosovës – VV dje mori atë që e mbolli

Deputetja e PDK-së, Ganimete Musliu ka thënë se krahasimi që VV-ja i bën PDK-së me Listën Serbe është i ulët, i rrezikshëm dhe i pavërtetë.

Në një postim në Facebook ajo ka thënë se kjo gjuhë e urrejtjes s’është politikë por dëshprim.

Sipas saj, PDK-ja është shtylla e Kosovës dhe se VV-ja dje mori atë që ka mbjell.

Postimi i plotë:

Krahasimi që Vetëvendosje i bën PDK-së me Listën Serbe është i ulët, i rrezikshem, i pavërtetë dhe thellësisht fyese për vet shtetin e Kosovës.

Ta krahasosh PDK-në me ata që mohojnë Republikën është turp dhe mashtrim politik.

Kjo gjuhë e urrejtjes nuk është politikë, është dëshpërim.

Ata që s’kanë rezultate, kërkojnë armiq për t’i fshehur dështimet e veta.

PDK është dhe do të mbetet shtylla e shtetit të Kosovës.

Populli e di mirë kush ka dhënë për këtë vend. Vetëvendosje dje mori atë që e mbolli.

Tani është koha për ide, jo për shpifje.

Për punë, jo për propagandë.

Për Kosovën, jo për pushtet.