Murati akuzon opozitën për bllokim të mbështetjes financiare për sektorin privat

Ministri i Financave, Hekuran Murati, ka kritikuar refuzimin e opozitës për të votuar mbështetjen për punëtorët e sektorit privat, studentët, pensionistët e fëmijët, si dhe trajtimin e Projektligjit për parandalimin e pastrimit të parave.

Në një reagim, Murati u shpreh se për të votuar mbështetjen nevojitej vota e 2/3 e deputetëve të pranishëm në sallë, transmeton IndeksOnline.

“Sipas studimit të German Economic Team, mbi 50 milionë euro në vit do të kurseheshin nga qytetaret dhe bizneset me anëtarësim në SEPA.

Shtetet tjera në rajon tashmë kanë ecur përpara dhe qytetarët e bizneset e tyre tashmë paguajnë shumë më lirë për transfere bankare” është shprehur ai.

Opozita votoi kundër shmangies së afateve procedurale për buxhetin, me ç’rast nuk mund të kalohej as Pakoja për Përballje me Inflacionin 2.0.

Ky është postimi i plotë i Muratit:

Mbështetjen për punëtorët e sektorit privat, për studentët, për pensionistët, për fëmijët e për të gjitha familjet sot opozita refuzoi ta fuste në rend dite për seancë (për të cilën duhet votuar 2/3 e deputetëve prezentë).

E për më tepër, opozita refuzuan edhe trajtimin e Projektligjit për Parandalimin e Pastrimit të Parave, ligj i cili kompleton pakon e ligjeve som të nevojshme për t’u anëtarësuar në SEPA.

Sipas studimit të German Economic Team, mbi 50 milionë euro në vit do të kurseheshin nga qytetaret dhe bizneset me anëtarësim në SEPA.

Shtetet tjera në rajon tashmë kanë ecur përpara dhe qytetarët e bizneset e tyre tashmë paguajnë shumë më lirë për transfere bankare.