Moti për sot: Ditë me diell, pasdite pritet të ketë edhe reshje shiu

Sot parashikohet të mbajë mot me diell dhe vranësira të pakta në orët e mëngjesit, ndërsa rreth mesditës pritet të shtohen, duke sjellë orëve të pasditës dhe mbrëmjes rrebeshe lokale shiu, shkarkesa rrufesh dhe mundësi për breshër. Kjo si pasojë e depërtimit të frontit të ftohtë.

Rrebeshet lokale dhe shkarkesat elektrike parashihen të vazhdojnë herë pas here në zona të caktuara edhe pas mesnate.

Era do të fryjë drejtimesh të ndryshme, e cila në momente të veçanta pritet të mjaft e fuqishme, me shpejtësi prej 25-70 km/h, njofton MeteoKosova.

Temperaturat do të pësojnë ulje të lehtë, me minimale që do të lëvizin prej 14 deri në 18°C, ndërsa ato maksimale prej 28 deri në 31°C. Ulje e ndjeshme e temperaturave parashihet gjatë kalimit të frontit të ftohtë.