Merz nga Roma, garanton mbështetje të plotë për Ukrainën drejt BE-së

Në konferencën për rindërtimin e Ukrainës që po mbahet në Romë, kancelari gjerman Friedrich Merz e ka nisur fjalën e tij duke përmendur rimëkëmbjen e Evropës pas Luftës së Dytë Botërore.

“Nuk dua të bëj krahasime historike të gabuara, por disa nga recetat që u përdorën atëherë mund të na shërbejnë ende sot, kur fokusohemi në rindërtimin e Ukrainës,” është shprehur Merz.

Ai tutje ka theksuar se Ukraina mund të mbështetet tek partnerë të fortë ndërkombëtarë në këtë proces, përfshirë Gjermaninë, ndërsa ka përmendur mbështetjen gjermane për Fondin e Mbështetjes për Energjinë e Ukrainës si një shembull konkret.

Kancelari gjerman ka folur edhe për industrinë e mbrojtjes të Ukrainës, duke paralajmëruar plane për ta çuar bashkëpunimin në këtë fushë në një nivel më të lartë:

Ndërsa, në fund, duke folur për synimin e Ukrainës për t’u bërë anëtare e Bashkimit Europian, Merz tha:

“Për të qenë shumë i qartë për këtë: ne e mbështesim plotësisht Ukrainën në rrugën e saj drejt anëtarësimit në BE.”