Mërgata në këmbë për Arbër Tolajn, entuziazëm i madh në Deçan – AAK e bindur në fitore

Kandidati i AAK-së për deputet, Arbër Tolaj, me numër 5 në listë, ka marrë mbështetje të jashtëzakonshme nga mërgata në një takim në Deçan.

Tolaj e cilësoi si shtyllë të fortë mërgatën e cila dha kontribut të pandalshmën për vendin.

“Në Deçan, bastion i qëndresës dhe i besimit në AAK, u mbajt sot një takim i veçantë me mërgatën tonë, në praninë e liderit dhe kryeministrit të ardhshëm, Ramush Haradinaj.

Ishte një tubim i mbushur me emocione, energji dhe përkushtim për Kosovën.

Mërgata jonë edhe një herë dëshmoi se është shtyllë e fortë e vendit, me kontribut të pandalshëm, me dashuri të sinqertë për atdheun dhe me përkrahje të palëkundur për vizionin tonë zhvillimor”, tha Tolaj.