Memli Krasniqi udhëheq shtabin zgjedhor të PDK-së

Partia Demokratike e Kosovës ka mbajtur sot mbledhjen e rregullt të Kryesisë, të udhëhequr nga kryetari Bedri Hamza, ku është diskutuar dhe vendosur për organizimin e partisë në kuadër të zgjedhjeve të përgjithshme të 28 dhjetorit.

Në këtë mbledhje, bëhet e ditur se kryesia ka miratuar formimin e Shtabit Qendror Zgjedhor i cili do të udhëhiqet nga ish-kreu i partisë, Memli Krasniqi, i cili sipas njoftimit të PDK-së “me përvojën, integritetin dhe profesionalizmin e tij, do të garantojë një organizim efikas dhe dinamik drejt fitores”.

PDK thekson mes tjerash në njoftim se hyn në zgjedhjet e muajit të ardhshëm “me unitet të plotë, me struktura të mobilizuara dhe me besim në projektin e saj për një qeverisje të përgjegjshme, stabile dhe në shërbim të qytetarëve”.

“Partia Demokratike e Kosovës do të vazhdojë t’i informojë mediat dhe opinionin publik për secilin hap të mëtejmë të procesit zgjedhor”, thuhet në njoftim,