Fushata e PDK-së në Drenas po merr çdo ditë e më shumë përmasa të një mbështetjeje plebishitare. Takimet e fundit në Korroticë të Epërme dhe në Zabel të Naltë u shndërruan në dy vatra të fuqishme ku qytetarët shprehën masivisht besimin e tyre për ndryshim dhe për kandidatin e PDK-së për kryetar, Petrit Hajdarin.
“Jam jashtëzakonisht i emocionuar sepse besoj në llojin e udhëheqësit që e merr mbështetjen jo si privilegj, por si përgjegjësi. Në Korroticë të Epërme iu vu edhe një gur i madh e i rëndësishëm fitores sonë plebishitare”, u shpreh Hajdari.
Në Zabel të Naltë, qytetarët treguan energji, përkushtim e masivitet, duke u bërë pjesë e vizionit për një Drenas të së ardhmes – të qytetarëve të vet, të zhvillimit e të prosperitetit.