Ish-eprori i Ushtrisë Çlirimtare të Kosovës, Selim Krasniqi, ka reaguar sot pas lajmit se është arrestuar një person i dyshuar për pjesëmarrje në masakrën e Burimit të ndodhur më 31 mars të vitit 1999, transmeton Demos.
Sipas tij, dy burra përfaqësues të civilëve, të cilët nuk i njihte kishin deklaruar se preferonin të qëndronin aty, pasi dikush gjatë ofensivës serbe u kishte garantuar se nuk do të prekej askush, meqë ishin civilë.
“Ju kemi thënë se nuk do t’ju largojmë me forcë, por ju sugjerojmë me gjithë zemër të largoheni. Fatkeqësisht, të gjithë civilët e pafajshëm që ndodheshin aty u masakruan barbarisht. Jam i bindur se dikujt i kanë besuar verbërisht.”
I plotë:
Sot po shkruaj me shkas, ngase u tha se u arrestua nje person i dyshimtë që ka marrë pjesë nē masakrën e Burimi e cila ka ndodhur me 31 mars te vitit 1999!
Aty u masakruan barbarisht civilë të pafajshëm e atê vetëm pse ishin Shqiptarë!
Në ditën kritike unë bashkë me dy luftetarë, pasi mora informacion se ku ishin të vendosur kta civilë, shkuam t’i vizitojmë dhe të shofim gjendjen e tyre!
Ata ishin të vendosur në një vend më larg pozicioneve tona mbrojtëse dhe me shumë mirsjellje kam kërkuar nga ta që të largoheshin nga aty sepse ishte e pamundur t’i mbronim në atë pozicion dhe po të vinin te pjesa t’jetër e popullatës do të ishin të mbrojtur ç’oftë edhe me jetrat tona!
Në emër të civilëve të pambrojtur kanë folur dy burra( nuk i kam njoft se kush ishin) dhe kanë deklaruar se me dëshirë do rrinim këtu sepse gjatë ofensivës serbe na ka garantuar dikush se juve nuk guxon t’iu prekë askush sepse jeni civilë!