Pas raportimeve për nënshkrimin e një marrëveshjeje pesëvjeçare bashkëpunimi ekonomik ndërmjet Serbisë dhe Rusisë në Beograd, deputeti Enver Hoxhaj ka reaguar përmes një postimi në Twitter.
Hoxhaj ka kritikuar Bashkimin Evropian teksa iu ka kërkuar “t’i hapin sytë”.
Hoxhaj theksoi se Serbia nuk mund të vazhdojë politikën e dyfishtë, duke përfituar nga fondet e Bashkimit Evropian dhe njëkohësisht duke thelluar bashkëpunimin strategjik me Rusinë.
“Serbia nuk mund të vazhdojë të luajë në të dyja anët, duke marrë fonde nga BE-ja ndërkohë që thellon lidhjet strategjike me Rusinë. Nëse BE-ja dëshiron të mbetet e besueshme, duhet të hapë sytë dhe të veprojë ndaj Serbisë. Përndryshe, BE-ja po financon një shtet që punon kundër interesave të saj strategjike.”, ka shkruar Hoxhaj.
Sipas tij, politika e zgjerimit të Bashkimit Evropian nuk mund të tolerojë paqartësi strategjike dhe se vendet që synojnë anëtarësimin duhet të jenë të rreshtuara qartë me demokracinë, sundimin e ligjit dhe politikën e përbashkët të jashtme të BE-së.
Hoxhaj ka theksuar se në të kundërtën, vetë kredibiliteti i Bashkimit Evropian vihet në pikëpyetje.
