Lideri i ri i Iranit, reagon për herë të parë që nga armëpushimi

Udhëheqësi suprem i Irani, Mojtaba Khamenei, ka reaguar për herë të parë pas shpalljes së armëpushimit mes Shtetet e Bashkuara të Amerikës dhe Iranit, duke deklaruar se populli iranian ka dalë fitues nga kjo përballje dhe se vendi do të kërkojë dëmshpërblim për dëmet e shkaktuara.

Në mesazhin e transmetuar në televizionin shtetëror iranian, ai e cilësoi këtë periudhë si një moment të rëndësishëm për vendin, ndërsa paralajmëroi edhe ndryshime në mënyrën e menaxhimit të Ngushtica e Hormuzit

“Sot, në këtë fazë të epopesë së Mbrojtjes së Tretë të Shenjtë, mund të thuhet me bindje se ju, populli heroik i Iranit, jeni fituesi vendimtar në këtë përballje. Për të ndërtuar një ‘Iran të fortë’, është thelbësore prania dhe angazhimi i vazhdueshëm i qytetarëve tanë, ashtu siç është dëshmuar gjatë këtyre dyzet ditëve të fundit”, u shpreh ai.

Ai shtoi se Irani nuk ka kërkuar luftë, por nuk do të heqë dorë nga të drejtat e tyre në asnjë rrethanë, duke e konsideruar frontin e rezistencës si një tërësi të bashkuar.

Ai pati gjithashtu një mesazh për fqinjët jugorë të Iranit, duke i ftuar të qëndrojnë në anën e duhur dhe të mos u besojnë premtimeve të rreme, ndërsa kërkoi një reagim që, sipas tij, do të dëshmonte vëllazëri dhe qëllime të mira.

Ndërkohë, BBC ka bërë të ditur se ShBA-ja dhe Irani pritet të nisin të shtunën negociatat për arritjen e një marrëveshjeje paqeje, pasi tashmë është në fuqi një armëpushim dyjavor.