Lidhja Demokratike e Kosovës gjatë mbrëmjes së sotme ka bërë prezantimin zyrtar të kandidatëve për deputet në zgjedhjet e 28 dhjetorit, shkruan GazetaDemos.
Kryetari i LDK-së, Lumir Abdixhiku, prezantoi secilin kandidat me përkushtim të veçantë, duke theksuar vlerat, profesionalizmin dhe ndjenjën e përgjegjësisë që kjo parti sjell para qytetarëve.
Kandidati i LDK-së për deputet Besim Mulaj ka publikuar fotografi nga ky tubim, duke thënë se programi i kësaj partie synon zhvillim, drejtësi dhe mirëqënie.
“U dëshmua qartë se LDK hyn në këtë garë me njerëz të dëshmuar, me ide të qarta dhe me një program që synon zhvillim, drejtësi dhe mirëqenie për të gjithë”, shkroi 79-shi i LDK-së.
Postimi i plotë i tij:
Në një atmosferë të jashtëzakonshme dhe plot energji, u bë prezantimi i kandidatëve të LDK-së për zgjedhjet e 28 dhjetorit. Një mbrëmje që reflektoi unitet, vizion dhe besim në të ardhmen.
Dr. Lumir Abdixhiku prezantoi secilin kandidat me përkushtim, duke vënë në pah vlerat, profesionalizmin dhe përgjegjësinë që LDK sjell para qytetarëve në këto zgjedhje. U dëshmua qartë se LDK hyn në këtë garë me njerëz të dëshmuar, me ide të qarta dhe me një program që synon zhvillim, drejtësi dhe mirëqenie për të gjithë.
Ky prezantim nuk ishte vetëm formalitet, por një mesazh i fuqishëm se LDK është e gatshme të udhëheqë me dinjitet dhe vizion. 28 dhjetori po vjen, e bashkë me të edhe mundësia për ndryshim të vërtetë. 💙✌️
#besimmulaj79 #LumirAbdixhiku1#Ldk123
