Afërsia me Kosovën e ka kthyer padyshim Shëngjinin në zgjedhjen e parë për pushime verore për vizitorët nga Kosova. Të ardhurit nga Kosova janë besnikë ndaj këtij bregdeti.
Shembulli më i mirë i këtij rasti është Latif Muca nga Prizreni, i cili që prej vitit 2001 zgjedh të pushojë në bregdetin shqiptar.
Ai na tregon edhe arsyen pse çdo vit zgjedh të qëndrojë në plazhin e Shëngjinit. Për kushtet, thotë se këtu do të kthehet sërish.