Dje rreth orës 15:45, Policia e Kosovës është njoftuar se nga Qendra e Paraburgimit në Mitrovicën e Veriut, një person është arratisur. Policia menjëherë ka marr masat duke ngrit pika statike të kontrollit në tërë veriun e vendit dhe duke kontrolluar edhe fizikisht zonën përrreth qendrës se Paraburgimit .
Për kërkimin e të njëjtit janë angazhuar edhe njësi të specializuara si njësia policore me qen- K9.
Bëhet fjalë për serbin Radomiroviq Sava, i lindur në Novi Pazar.
Se janë ende në kërkim të tij u konfirmuar edhe në raportin 24 orësh të PK-së.
Për lajmin ka reaguar edhe Shërbimi Korrektues i Kosovës, të cilët njoftuan se si rrjedhojë e arratisjes së dyshuarit, janë pezulluar nga puna drejtori i Qendrës së Paraburgimit në Mitrovicë, një mbikëqyrës i lartë dhe dy zyrtarë korrektues.
“I burgosuri ishte i dënuar me 14 vjet e 6 muaj burgim, nga të cilat i kishin mbetur edhe 3 vjet e 7 muaj. Ai ishte i kategorizuar si i avancuar dhe, në momentin e arratisjes, ishte duke punuar në hapësirat e punëtorisë së institucionit. Gjithashtu, ai ishte në listën e të dënuarve që mund të përfitonin lirimin me kusht”, thuhet ndër tjera në njoftim.
