Është arrestuar mësimdhënësi i shkollës “Pavarësia” në Prishtinë që nga pamjet e publikuara shfaqej dukej rrahur një nxënës në mënyrë brutale.
Gazeta Online Reporteri.net merr vesh se bëhet fjalë për 62-vjeçarin Abaz Kadriu, mësimdhënës i kësaj shkolle.
I njëjti është dërguar në mbajtje dhe se rasti është inicuar si “Sulm”.
Për rastin folën gjatë ditës edhe Policia e Kosovës.
Zëdhënësi i Policisë për rajon e Prishtinës, Enis Pllana ka thënë palët e përfshira janë shoqëruar në stacion policor.
“Sot rreth orës 12:00, kemi pranuar informatën për një rast sulmi fizik të ndodhur në një shkollë fillore në Prishtinë. Menjëherë policia ka dalë në vendin e ngjarjes dhe ka shoqëruar në stacion policor palët e përfshira në rast. Aktualisht policia në koordinim me prokurorinë ka nis një hetim për zbardhjen e rastit”, tha Pllana.
