Kurti takohet me kryeministrin kroat në Mynih, i tregon se tani ka “një shumicë solide” për qeverisje

Kryeministri i Kosovës, Albin Kurti, është duke qëndruar në Gjermai në kuadër të Konferencës së Sigurisë në Mynih.

Atje Kurti është takuar me kryeministrin kroat, Andrej Plenkovic, me të cilin ka shkëmbyer disa fjalë për zgjedhjet e fundit nacionale dhe ato lokale.

Kurti dëgjohet teksa në nisje të takimit i tregon Plenkovicit se tashmë ka një shumicë solide për të qeverisur.

Kryeministri kroat ndërkohë e ka uruar për mandatin e ri teksa janë përshëndetur me Kurtin duke hyrë në sallën e rezervuar për takim.

Gjatë ditës së djeshme, kryeministri Kurti ka zhvilluar një sërë takimesh me zyrtarë të ndryshëm evropianë dhe ndërkombëtarë, ku në fokus ishin çështjet e sigurisë rajonale, bashkëpunimi ndërkombëtar dhe zhvillimet aktuale gjeopolitike.