Kryetari i Lëvizjes Vetëvendosje, Albin Kurti, gjatë mbledhjes së Këshillit të Përgjithshëm të VV-së, kritikoi ashpër Gjykatën Kushtetuese për vendimet në lidhje me konstituimin e Kuvendit.
Kurti theksoi se nga katër muaj e gjysmë që ka nisur seanca për konstituimin e Kuvendit, tre muaj janë humbur për shkak të zvarritjeve të Gjykatës.
“Gjykata mori masë të përkohshme sipas kërkesës së Listës Serbe, e paarsyeshme besoj unë. Dhe kërkoj që 120 deputetë të vegjetojnë deri më 30 shtator, plot 25 ditë kot.
Kjo është ngjajshëm sikur ministri i shëndetësisë, Arben Vitia të lëshoj një vendim mjekësor që ata 7 gjyqtarë duhet të shkojnë në pushim mjekësor për shkak të gjendjes së rënduar të tyre. Të vetmën dilemë se nëse është më shumë absurde apo e dëmshme, por që është edhe absurde edhe e dëmshme, nuk kam dyshim”, u shoreh ai.
