Kryetari i degës së AAK-së në Skenderaj, Feriz Shala: Skenderaj ka nevojë për qetësi, jo për gjuhë urrejtjeje e dhunë

Kryetari i degës së AAK-së në Skenderaj, Feriz Shala, ka reaguar pas tensioneve të fundit në këtë komunë, duke bërë thirrje për qetësi dhe fokus te interesi i qytetarëve.

Shala deklaroi se Skenderaj ka kaluar sfida shumë më të mëdha sesa, siç u shpreh ai, “përplasjet politike të ditës”, ndërsa shtoi se është e dhimbshme kur qytetarët përballen me gjuhë urrejtjeje, tensione dhe dhunë nga njerëzit që duhet të japin shembull.

Shkrimi i tij:

Skenderaj ka kaluar sfida shumë më të mëdha se sa përplasjet politike të ditës

Prandaj është e dhimbshme kur sot qytetarët tanë shohin gjuhë urrejtjeje, tensione dhe dhunë mes atyre që duhet të japin shembull

As ofendimet e fyerjet nuk ndërtojnë qytet, e as dhuna nuk sjell zgjidhje

Humbësi më i madh në gjithë këtë situatë janë qytetarët e Skenderajt, të cilët meritojnë qetësi, respekt dhe institucione që punojnë për ta

Sot më shumë se kurrë kemi nevojë për qetësi, punë rreth interesit qytetar

Qytetarët e Skenderajt meritojnë të dëgjojnë më shumë për punë e zhvillim e te ardhme me të mirë për qytetin tonë!