Kryeministri holandez, Rob Jetten nga Ankaraja ku po mbahet samiti i NATO-s ka folur në lidhje me Kosovën dhe nëse ajo do të bëhet një ditë pjesë e NATO- s.
Në përgjigjen e tij, kryeministri holandez theksoi se shpreson që Kosovë të bëhet një ditë pjesë e familjes evropiane.
“Unë shpresoj që Kosova do të bëhet pjesë e familjes evropiane një ditë, po”, ka thënë Jetten për Euronews Albania.
Samiti i NATO-s në Ankara ka mbledhur sot zyrtarë të lartë të Aleancës, përfaqësues të vendeve anëtare dhe partnere, drejtues të industrisë së mbrojtjes dhe ekspertë të inovacionit teknologjik.
Sipas NATO-s, ky forum përbën një nga aktivitetet më të rëndësishme të nivelit të lartë kushtuar prodhimit, investimeve dhe zhvillimit të kapaciteteve mbrojtëse në hapësirën transatlantike.
Në fokus të diskutimeve është zbatimi i planit të NATO-s për rritjen e investimeve në mbrojtje deri në nivelin 5% të Prodhimit të Brendshëm Bruto, si dhe mënyrat se si këto investime do të shndërrohen në kapacitete më të avancuara ushtarake, bashkëpunim më të ngushtë mes aleatëve dhe projekte të përbashkëta të prokurimit.
Samiti i NATO-s në Ankara konsiderohet një nga takimet më të rëndësishme të Aleancës në vitet e fundit, me synimin për të përcaktuar drejtimet e reja të bashkëpunimit dhe investimeve në sigurinë kolektive për vitet e ardhshme.
