Kryediplomatja shqiptare pritet në Jerusalem nga homologu i saj izraelit: Riafirmuam miqësinë e qëndrueshme Shqipëri – Izrael

Ministrja e Punëve të Jashtme e Shqipërisë është pritur në Jerusalem nga ministri i Jashtëm i Izraelit.

Me Gideon Sa’ar, Elisa Spiropali tha se riafirmuan miqësinë e qëndrueshme Shqipëri – Izrael.

“ Jeruzalem, Izrael – Një vend ku historia dhe e ardhmja takohen në të njëjtën faqe. Në pritjen e Ministrit të Jashtëm Gideon Sa’ar, riafirmuam miqësinë e qëndrueshme që lidh Shqipërinë dhe Izraelin, një marrëdhënie e ndërtuar mbi respekt të ndërsjellë, kujtesë historike dhe vizion të përbashkët për të ardhmen”, shkroi ajo në një postim në Facebook.

“Marrëveshja e paqes që shënon një kapitull të ri të stabilitetit dhe sigurisë në rajon, hap një perspektivë të gjerë bashkëpunimi në fusha si siguria kibernetike, inovacioni, shëndetësia dhe edukimi”, shtoi Spiropali.

Kryediplomatja shqiptare tha se “Shqipëria dhe Izraeli mbeten partnerë të vendosur në përpjekjen për paqe, zhvillim dhe bashkëpunim ndërmjet kombeve tona”.