Krasniqi: Me karakter dhe ekip për ta kthyer Prizrenin aty ku e meriton

Në një fjalim të fuqishëm drejtuar kandidatëve të AAK-së për Asamblenë Komunale, kandidati për kryetar të Komunës së Prizrenit, Besnik Krasniqi, theksoi rëndësinë e garës si një mision për zhvillim dhe ndryshim, e jo si një synim për pushtet.

“Po hyjmë në një garë ku kërkohet zemra, karakteri dhe dinjiteti ynë prizrenas,” u shpreh Krasniqi, duke bërë thirrje për unitet dhe përkushtim.

Ai u zotua për një qasje ndryshe në qeverisje, duke premtuar largimin nga kaosi urban, papërgjegjësia dhe mungesa e respektit ndaj qytetarëve.

I plotë:

Të dashur kolegë e luftëtarë të kësaj beteje politike,

Po hyjmë bashkë në një garë ku nuk kërkohet vetëm emri në fletëvotim, por zemra, karakteri dhe dinjiteti ynë prizrenas.

Secili prej jush është jo vetëm kandidat, por ushtar i vijës së parë për ta kthyer Prizrenin aty ku e meriton.

Mos harroni pse jemi këtu: jo për post, por për të çliruar qytetin nga papërgjegjësia, kaosi urban, kriza ekonomike dhe mungesa e respektit për qytetarin.

Unë kam besim të plotë në ju, dhe dua që çdo ditë, në çdo lagje, në çdo derë t’i thoni popullit me gjoks hapur:

🛠️ “Po garojmë që Prizrenin ta zhvillojmë, jo ta dekorojmë.”

🤝 “Po vijmë si ekip, jo si individë.”

🛡️ “Jemi garda që mbron interesin e qytetarëve, jo vegla të pushtetit.”

Qëndroni të pathyeshëm, të përulur në karakter, të fortë në mesazh — dhe mbi të gjitha, të bashkuar rreth vizionit tonë. Fitorja është proces, jo fat – dhe procesi fillon sot, me secilin prej jush.

Llogaris në secilin, e jam përkrah jush në çdo hap. Përpara për Prizrenin!

Besnik Krasniqi

🫡

Keshtu sot ju drejtova kolegëve të mi kandidatë për Asamblenë Komunale – dhe kështu po ju drejtohem edhe juve, të dashur qytetarë të Prizrenit tonë!