Krasniqi kërkon votën nga veteranët e luftës: Idealin e UÇK-së ta dërgojmë në Kuvend

Kandidati i AAK-së për deputet, Dardan Krasniqi ka kërkuar mbështetjen nga veteranët e luftës, e familjeve të dëshmorëve për zgjedhjet e 28 dhjetorit.

Krasniqi deklaroi se vota e tyre nuk është vetëm për kandidatin e AAK-së, por për vazhdimin e rrugës së sakrificës.

”Ju, pjesa më e lavdishme e luftës për çlirim familje të dëshmorëve, invalidë e veteranë të UÇK-së – jeni themeli i lirisë sonë. Me nderimin më të madh dhe me përgjegjësi të plotë, kërkoj mbështetjen tuaj që zërin, betimin dhe idealin e UÇK-së ta dërgojmë në Kuvend.

Vota juaj nuk është vetëm për mua, por për vazhdimin e rrugës së sakrificës, për mbrojtjen e vlerave të luftës dhe për forcimin e shtetit që e ndërtuam me gjakun e bijve e bijave më të mirë.

Bashkë, me dinjitet dhe përkushtim, do ta çojmë përpara amanetin e lirisë.”, shkroi Krasniqi.