KQZ publikon shifrat: Kaq shpenzoi PDK-ja nga tetori në dhjetor

Komisioni Qendror i Zgjedhjeve (KQZ) ka publikuar raportet financiare për shpenzimet tremujore të subjekteve politike të përfaqësuara në Kuvend, për periudhën tetor–dhjetor 2025.

Sipas të dhënave zyrtare, Partia Demokratike e Kosovës (PDK) gjatë tremujorit të katërt të vitit 2025 ka shpenzuar gjithsej 280 mijë e 822 euro.

Nga ky total, 120 mijë e 498 euro janë shpenzuar për paga, ndërsa 65 mijë e 624 euro janë shpenzuar për mallra dhe shërbime.

Po ashtu, shpenzimet për udhëtime jashtë vendit kapin vlerën prej 3 mijë euro.

Ndërkohë, për shërbime të telekomunikimit PDK-ja ka shpenzuar vetëm 69 euro. Në raport përfshihen edhe shpenzimet për marketing, të cilat arrijnë vlerën prej 21 mijë e 648 euro.