Një-18 vjeçare është duke u trajtuar në Mjekimin Intensiv Qendror të QKUK-së si pasojë e lëndimeve serioze që ka marrë nga aksidenti që ndodhi në orët e hershme të ditës së sotme në Komoran, ku humbi jetën 24-vjeçarja Rea Raka.
E lënduara fillimisht iu nënshtrua një operimi urgjent në Qendren Emergjente.
Për gjendjen e saj shëndetësore, detaje dha Shaqir Uka, shefi i Mjekimin Intensiv.
“Pas kryerjes së ekzaminimeve dhe intervenimit, nga Qendra Emergjente është sjellë për trajtim në Mjekimin Intevsiv Qendror, për trajtim të mëtutjeshëm mjekësor. Si pasojë e aksidentit ajo ka marrë lëndime bukur serioze në anën e majtë të ekstremitetit të lartë dhe të poshtëm si dhe në regjionin e barkut”.
“Gjendja e saj mund të them se është relativisht stabile. Ajo aktualisht po mbahet e fjetur me barëra dhe nën mbikëqyrjen e mjekëve. Për detaje tjera do t’ju njoftojmë me kohë”, deklaroi Uka.
