Gjatë ditës së sotme Qeveria e Kosovës ka mbajtur mbledhjen e radhës.
Në këtë mbledhje janë marrë disa vendime.
Këto janë vendimet e marra:
– Miratuar rregulloren për Fushat e Përgjegjësisë Administrative të Ministrive.
– Miratuar Projektligjin për ratifikimin e Amendamentit Nr. 1 të Marrëveshjes Financiare mes Republikës së Kosovës dhe Bashkimit Evropian për “Programin IPA 2021″.
– Miratuar Projektligjin për ratifikimin e Amendamentit Nr. 1 të Marrëveshjes Financiare mes Republikës së Kosovës dhe Bashkimit Evropian për “Programin IPA 2022”.
– Miratimi Projektligjit për ratifikimin e Marrëveshjes Financiare në mes të Republikës së Kosovës dhe Bashkimit Evropian për Programin Shumëvjeçar IPA 2026-2027.
– Miratuar Projektligjin për ndryshimin dhe plotësimin e Ligjit për Parandalimin e Pastrimit të Parave dhe Luftimin e Financimit të Terrorizmit (PPP/ LFT). Përmes këtij projektligji synohet parandalimi dhe luftimi i pastrimit të parave dhe financimit të terrorizmit në Kosovë. Në thelb, ai vendos rregulla dhe masa që institucionet financiare dhe subjektet e tjera duhet t’i ndjekin për të identifikuar dhe parandaluar përdorimin e sistemit financiar për aktivitetet të paligjshme. Kjo përfshin monitorimin e transaksioneve, verifikimin e klientëve dhe raportimin e aktiviteteve të dyshimta tek autoritetet përkatëse.
– Miratuar Projektligjit për Menaxhimin e resurseve Ujore. Projektligji vendos rregulla për përdorimin dhe shpërndarjen e ujërave, mbrojtjen e tyre nga dëmtimi dhe ndotja, si dhe mbrojtjen nga përmbytjet dhe veprimet e tjera të dëmshme të ujit. Ai rregullon statusin e ujërave, tokës dhe objekteve ujore, përcakton përgjegjësitë institucionale dhe themelon Agjencinë për Menaxhimin e Resurseve Ujore në kuadër të ministrisë.
– Miratuar Rregulloren për Riintegrimin e Personave të Riatdhesuar. Me këtë Rregullore përcaktohen masat, kriteret, procedurat dhe mekanizmat institucionalë për riintegrimin e qëndrueshëm të personave të riatdhesuar në Republikën e Kosovës.
– Miratuar Udhëzimin Administrativ për Përcaktimin e Procedurës së Themelimit të Parkut Industrial dhe Teknologjik. Udhëzimi administrativ sqaron hapat për themelimin e parqeve industriale dhe teknologjike, nga nisja e procedurës deri te përfundimi i saj, si dhe afatin e mënyrën e shfrytëzimit të parkut. Përmes tyre synojmë të nxisim investime të reja, prodhim për eksport dhe vende pune, duke e bërë më të lehtë bashkimin e infrastrukturës, kapitalit dhe teknologjisë në funksion të biznesit.
– Miratuar vendimin për themelimin e Grupeve Tematike për rishikimin e Strategjisë Kombëtare për Zhvillim 2030.
– Miratuar vendimin për Listën e anëtarëve potencialë të Komisionit të Pranimit për Ministrinë e Ekonomisë, për pozitat Inspektor në kuadër të Njësisë së Inspektimit të Energjisë.
– Miratuar Kërkesën për rialokimin e mjeteve buxhetore në shumë prej, 200,000.00€, në Ministrinë e Infrastrukturës dhe Transportit, për ndërtimin e urës në rrugën “Agron Mehmeti”, në Shtrubullovë të Komunës së Drenasit, nga kategoria e shpenzimeve kapitale, konkretisht nga projekti kapital “Programi i Bashkëfinancimit me Kuvendet Komunale” në përputhje me memorandumin e mirëkuptimit për projekte kapitale, të nënshkruara nga Ministri i MIT-it dhe Kryetari i Komunës së Drenasit.
– Miratuar Kërkesën për rialokimin e mjeteve në shumë prej, 1,080,787.51€në Ministrinë e Infrastrukturës dhe Transportit nga kategoria e shpenzimeve “Investime kapitale”, konkretisht nga projekti kapital “Programi i Bashkëfinancimit me Kuvendet Komunale”, në 2 (dy) projekte kapitale të reja në përputhje me memorandumet e mirëkuptimit për projekte kapitale, të nënshkruara nga Ministri i MIT-it dhe kryetarët e komunave të Podujevës dhe të Shtimes. Ndërtimi i rrugëve Lluga-Bellopojë dhe Siboc-Dumosh, Komuna e Podujevës dhe asfaltimi i rrugës së Topillës, Carralevë-Zborc dhe Rancë-Greiçevc, Komuna e Shtimes.
– Miratuar Planin e Veprimit 2026-2028 të Strategjisë për Zhvillim Industrial dhe Mbështetje të Biznesit 2030.
– Miratuar Raportin Vjetor 2024-2025 Implementimi i Programit për Eliminimin e Barrierave në Tregti, sipas neneve 34 – 36 TFBE (2021 — 2025).
– Miratuar Vendimin Përfundimtar për shpronësim shtesë për interes publik të pronave të paluajtshme, zona kadastrale Ferizaj, si dhe zona kadastrale Talinoc i Jerlive, në pronësi të pronarëve dhe zotëruesve të interesit, të cilat preken nga realizimi i projektit: “Zgjerimi i Rrugës Nacionale N2 – Segmenti ‘Hyrja në Qytetin e Ferizajt”.
– Miratuar Vendimin Përfundimtar për shpronësim për interes publik i pronave të paluajtshme të pronarëve dhe zotëruesve të interesit, të cilat preken nga realizimi i projektit: Zgjerimi i Rrugës Nacionale M25, Prishtinë – Podujevë. Zonat Kadastrale: Bërnicë e Epërme, Bardhosh, Trudë, Lebanë, Prugoc, Besi, Vranidoll dhe Tenshdoll, Komuna e Prishtinës, Zonat Kadastrale: Lupç i Poshtëm, Shakovicë, Lluzhan dhe Llugë, të Komunës së Podujevës.
– Miratuar Vendimin Preliminar për shpronësim për interes publik të pronave të paluajtshme të pronarëve dhe zotëruesve të interesit të cilat preken nga realizimi i projektit: Rehabilitimi i rrugës Rajonale R112, segmenti: Gjonaj – Bishtazhin, Zona Kadastrale: Gjinaj, Komuna e Prizrenit.
– Miratuar Vendimin Preliminar për shpronësim për interes publik të pronave të paluajtshme të pronarëve dhe zotëruesve të interesit të cilat preken nga realizimi i projektit: Sanimi i rrëshqitjes së dheut në rrugën: Hani i Elezit — Gorancë, Zona Kadastrale: Rezhancë, Komuna Hani i Elezit.
– Miratuar Vendimin Preliminar për shpronësim për interes publik të pronave të paluajtshme ish-shoqërore “Virgjinia” dhe “Metaliku”, që janë nën menaxhimin dhe administrimin e Agjencisë Kosovare të Privatizimit dhe atyre private, të cilat preken nga realizimi i projektit: Ndërtimi i Parkut Industrial në Gjakovë, Komuna e Gjakovës.
– Miratuar Vendimin Preliminar për shqyrtimin e mëtejmë të kërkesës për shpronësim për interes publik të pronave të paluajtshme ish-shoqërore, të menaxhuara dhe të administruara nga AKP-ja, të cilat janë të nevojshme për realizimin e disa projekteve në Komunën e Podujevës.
– Miratuar Vendimin Preliminar për shqyrtimin e mëtejmë të kërkesës për shpronësim për interes publik të pronave të paluajtshme ish-shoqërore, të menaxhuara dhe të administruara nga AKP-ja, të cilat janë të nevojshme për realizimin e projekteve të Komunës së Podujevës, si: Ndërtimi i Tregut të Kafshëve dhe Ndërtimi i Tregut të Gjelbërt.
– Miratuar Vendimin Preliminar për shqyrtimin e mëtejmë të kërkesës për shpronësim për interes publik të pronave të paluajtshme ish-shoqërore, të menaxhuara dhe të administruara nga AKP-ja, të cilat janë të nevojshme për realizimin e projekteve të Komunës së Podujevës, si: Ndërtimi i banesave me kosto të përballueshme dhe Objektet Edukativo-Arsimore-Çerdhe për fëmijë”.
– Miratuar vendimin për shqyrtimin e mëtejmë të Kërkesës për shpronësim për interes publik të pronave të paluajtshme të pronarëve dhe zotëruesve të interesit të cilat preken nga realizimi i projektit: Ndërtimi i Autostradës “Prishtinë – Gjilan – Dheu i Bardhë”, Segmenti Banullë – Bresalc, Zona Kadastrale: Banullë, Komuna e Lipjanit.
– Miratuar vendimin për shqyrtimin e mëtejmë të Kërkesës për shpronësim për interes publik të objektit i evidentuar si “Shtëpi banimi 1935”, i cili është nën menaxhim dhe administrim nga Agjencia Kosovare e Privatizimit, në pronësi të Komunës së Podujevës, shpronësimi i të cilit është i nevojshëm për realizimin e projektit: Ndërtimi i Muzeut të Qytetit të Podujevës, Zona Kadastrale, Komuna e Podujevës.
– Miratuar vendimin për shqyrtim e mëtejmë të Kërkesës për shpronësimin për interes publik të pronave të paluajtshme ish-shoqërore, të menaxhuara dhe të administruara nga AKP-ja, të cilat janë të nevojshme për realizimin e projekteve të Komunës së Fushë Kosovës.
– Miratuar vendimin për shqyrtimin e mëtejmë të Kërkesës për shpronësim dhe krijimin e të drejtës së servitutit sendor për interes publik të pronave të paluajtshme të pronarëve dhe zotëruesve të interesit të cilat preken nga realizimi i projektit “Solar4Kosovo II – Gypi B”, në Zonën Kadastrale Obiliq, Komuna e Obiliqit.
