“Kemi ndryshuar qëndrim”, Çka ndodhi në foltore kur doli Time Kadrijaj? Dehari: “Ndalja mikrofonin” – “E kemi një emër për propozim”

Time Kadrijaj, deputete e Aleancës për Ardhmërinë e Kosovës, mori fjalën në foltorën e Kuvendit të Kosovës, kur kryesuesi i seancën Avni Dehari, i dha fjalën AAK-së dhe NISMA-s për prozim të një deputeti për anëtar të Kosmisionit Zgjedhor për zgjedhjen e kryetarit të Kuvendit, rpaorton GazetaDemos.

Me të filluar të fliste, ende pa e përfunduar mirë fjalinë, kryesuesi Dehari kërkoi nga regjia t’ia ndalte fjalën.

Ky veprim u kundërshtua nga Kadrijaj, e cila thoshte se e kanë një emër.

“Ne si Aleancë kemi ndryshu qëndrim, na vjen keq ndaj partive tjera ish-opozitare”, tha Kadrijaj.

“Ju lutem, ndaljani mikrofonin”, tha Dehari.

“Dhe, e kemi një emër për…”, shtoi Kadrijaj.

“Regjia ta ndërpres…”, ndërhyu Dehari.

“Po e kam emrin”, vazhdoi Kadrijaj.

“Vetëm emrin kurrgjë tjetër”, shtoi Dehari.

“Dhe ne e kemi një emër për Komision, dhe për Komision e propozojmë deputetin Albin Kurti”, përfundoi Kadrijaj.