Kastriot Shabani: Në qeverisjen tonë do të jetë esenciale mbështetja e të gjitha kompanive private

Kandidati i LDK-së për kryetar të Shtimes, Kastriot Shabani, bashkë me drejtoreshën e zhvillimit ekonomik Frosina Ahmeti ishin për vizitë te kompania e madhe Doni Fruits, shkruan Gazeta Demos.

Gjatë vizitës u theksua se “Doni Fruits” është një prej shtyllave të forta të sektorit privat, që me investimet dhe punën e saj kontribuon në zhvillimin ekonomik dhe krijimin e vendeve të reja të punës në qytet.

Në kuadër të qeverisjes së re lokale, është bërë e ditur se mbështetja për bizneset private do të jetë prioritet, që e pasurojnë dhe e mban gjallë ekonominë vendore.

Postimi i tij:

Doni Fruits, simbol i suksesit!

Bashkë me drejtoreshën e zhvillimit ekonomik Frosina Ahmeti ishim për vizitë te kompania e madhe Doni Fruits.

Kjo kompani nuk ka nevojë të prezantohet. Në qeverisjen tonë do të jetë esenciale mbështetja e të gjitha kompanive private të qytetit tonë, nëpërmjet të cilave, qyteti pasurohet dhe mirëmban veten.