Kastriot Shabani merr pjesë në shfaqjen e dokumentarit për dëshmorin Xhemshir Xhemshiri

Kandidati i LDK-së për kryetar të Shtimes, Kastriot Shabani, ka marrë pjesë mbrëmë në shfaqjen e dokumentarit kushtuar dëshmorit të kombit Xhemshir Xhemshiri, me rastin e përvjetorit të rënies së tij.

Ai ka falënderuar familjen e dëshmorit për ftesën dhe ka theksuar se Xhemshir Xhemshiri ishte dëshmori i parë i fshatit Petrovë, ndërsa sakrifica e tij e shumfishtë – nga kthimi në atdhe deri te flijimi për lirinë e Kosovës – mbetet shembull i përjetshëm.

Postimi i tij:

Mbrëmë në shtëpinë e kulturës, u shfaq dokumentari për dëshmorin e kombit Xhemshir Xhemshiri.

Falenderojmë familjen e dëshmorit për ftesën në këtë përkujtim të përvjetorit të rënjes së dëshmorit Xhemshir Xhemshiri.

Ai ishte dëshmori i parë i fshatit Petrovë, sakrifica e tij ishte e shumfishtë, nga kthimi në atdhe deri te flijimi i tij për lirinë e shtetit tonë.

Dokumentaret e tillë përveç përkujtues janë edhe frymëzues për të mos e keqpërdorur lirinë që na e solli gjaku i dëshmorëve.

Dëshmorit Xhemshir Xhemshiri dhe të gjithë dëshmorëve të tjerë i falenderohemi për jetë, me krenari të madhe!