Kardiokirurgu i njohur Dr. Rame Alaj ka shprehur publikisht përkrahjen e tij për Ramush Haradinajn, kandidat për Kryeministër të Kosovës, duke e cilësuar këtë mbështetje si më shumë se një qëndrim politik si një obligim moral, historik dhe familjar.
I plotë:
Kur fjala Liri ka emër, ka fytyrë dhe ka histori të vërtetë.
Sot kjo përkrahje nuk vjen si formalitet politik, por si zë i gjakut, i luftës dhe i nderit.
Ramush Haradinaj – Komandanti i ZOD Dukagjinit, heroi i gjallë i kësaj toke, njeriu që e udhëhoqi luftën për liri me guxim, vizion dhe besë. Sot ai mbetet shpresa e sigurt për Kosovën, kandidati për Kryeministër që e ka dëshmuar atdhedashurinë jo me premtime, por me jetë.
Në krah të tij, Daut Haradinaj, njeriu që qysh në moshë shumë të re ia ktheu pushkën armikut, ishte aty kur Kosova kishte nevojë për trima, jo për fjalë. Ai e zgjodhi rrugën e sakrificës dhe na solli lirinë.
Si kusheri vokshnjan, si pjesë e të njëjtit fis që nuk është përkulur kurrë, kjo përkrahje është krenari dhe obligim.
Nga i njëjti trung dolën burra që nuk u dorëzuan as në luftë, as në paqe.
