Qeveria e Italisë ka pezulluar marrëveshjet për lëvizjen pa kufij me Spanjën.
Ministria e Brendshme italiane tha se ky vendim erdhi si reagim ndaj kalimeve masive të migrantëve në Ceuta, raporton SkyNews .
Meqenëse si Italia, ashtu edhe Spanja janë anëtare të Marrëveshjes së Shengenit, qytetarët mund të udhëtojnë mes këtyre vendeve me anije ose avion pa kontrolle kufitare.
Ministria e Brendshme e Italisë tha gjithashtu se ka rënë dakord me Parisin për të forcuar kontrollet përgjatë kufirit tokësor franko-italian.
Ky vendim erdhi pasi kryeministrja e ekstremit të djathtë të Italisë, Giorgia Meloni, një ditë më parë i cilësoi pamjet nga Ceuta si “tronditëse” dhe kritikoi “imigracionin e paligjshëm të pakontrolluar”.
Ajo sugjeroi gjithashtu se Italia mund të rikthente kontrollet kufitare me Spanjën, gjë që tashmë është bërë.
