Isak Neziri përkujtoi heronjtë Fehmi e Xhevë Lladrovci në përvjetorin e lindjes së tyre

Kandidati për deputet nga PDK, Isak Neziri ka përkujtuar me nderim heronjtë Fehmi dhe Xhevë Lladrovci në përvjetorin e lindjes së tyre.

Neziri tha se Fehmi dhe Xhevë Lladrovci mbeten ndër figurat më të rëndësishme të luftës për lirinë e Kosovës, duke theksuar se sakrifica, guximi dhe përkushtimi i tyre do të mbeten përherë në themelet e shtetit.

Ai shtoi se kujtimi për ta është edhe përgjegjësi për ta ruajtur dhe zhvilluar Kosovën për të cilën ata dhanë jetën.

Postimi i tij:

Sot i përkujtuam me nderim në përvjetorin e lindjes, heronjtë Fehmi dhe Xhevë Lladrovci, dy emra që nuk u plaken kurrë, por që mbeten përgjithmonë në themelet e lirisë sonë.

Ata i dhanë Kosovës më të shtrenjtën që paten, jetën, guximin dhe besimin se vendi ynë një ditë do të ishte i lirë. Prandaj kujtimi për ta është edhe përgjegjësi për ta ruajtur dhe çuar përpara Kosovën për të cilën ata luftuan.

Lavdi për jetë të jetëve!