Adelina Hasani nga Forumi Atlantik i Kosovës ka vlerësuar marrëveshjen mes Bashkimit Evropian dhe Britanisë së Madhe, duke theksuar rëndësinë e partneritetit strategjik për sigurinë dhe stabilitetin evropian.
Deklarata e përbashkët që doli nga kjo ujdi përfshin gjithashtu angazhime për forcimin e shkëmbimeve në industrinë e mbrojtjes dhe mundësinë e pjesëmarrjes britanike në mekanizmat europianë të bashkëpunimit për zhvillimin e kapaciteteve ushtarake.
Hasani duke folur rreth kësaj teme në "Info Magazine" në Klan Kosova tha se bashkëpunimi mes dy palëve është i rëndësishëm edhe për Ballkanin Perëndimor, ndërsa ka veçuar vazhdimin e mbështetjes për Ukrainën.
“Nuk mund të arrihet paqe ku në tavolinën e diskutimit nuk është Ukraina”, ka deklaruar Hasani.




