Haradinaj kujton dorëheqjen e vitit 2019: Qëndrimet e mia mbeten të pandryshuara

Kryetari i AAK-së, Ramush Haradinaj, ka kujtuar shtatëvjetorin e dorëheqjes së tij nga posti i kryeministrit, duke thënë se vendimi i marrë në vitin 2019 ishte për t’u paraqitur në Dhomat e Specializuara në Hagë si qytetar dhe jo si kryetar i Qeverisë.

Haradinaj rikujtoi se atëherë kishte kundërshtuar presionin ndaj Kosovës për “çmimin e njohjes nga Serbia”, si dhe idetë për ndarje apo “Dodik Republikë”, duke theksuar se qëndrimi i tij i asaj kohe mbetet i pandryshuar edhe sot.

Reagimi i plotë:

Të dashur qytetarë të Kosovës,

Para 7 viteve dhashë dorëheqje për të dytën herë nga posti i Kryetarit të Qeverisë së vendit.

Atëherë deklarova se nuk shkoj të paraqitem për t’u marrë në pyetje nga Dhomat e Specializuara në Hagë si kryetar qeverie por si qytetar, dhe se Kosovës po i bëhej presion i padrejtë për çmimin e njohjes nga Serbia dhe se ndarja dhe “Dodik Republika” për Kosovën janë të papranueshme.

Qëndrimi im atëherë ishte i qartë dhe i palëkundur. Ai mbetet i njëjtë edhe sot.