Kryetari i AAK-së, Ramush Haradinaj, ka uruar Kombëtaren e Kosovës, pasi e ka siguruar për herë të parë në histori Playoff-in e kualifikimeve për Kupën e Botës pasi ka mundur Slloveninë 0-2.
Në një postim në Facebook, Haradinaj ka thënë se është krenar me djelmoshat e Kosovës.
“Kosova afër ta shkruajë historinë. Ëndrra për Botëror është pranë”.
“Krenar me ju!”, tha Haradinaj.
Fisnik Asllani kaloi Dardanët në avantazh në minutën e gjashtë për 0-1 dhe kështu u mbyll pjesa e parë.
Në të dytën Petar Stojanoviq, i inkuadruar në pjesën e dytë, mori dy kartonë të verdhë për shtatë minuta, duke ia lehtësuar punën skuadrës mysafire.
Zan Karnicik ia thelloi telashet Sllovenisë kur shënoi një autogol bizar në minutën e 64-të.
Me këto tri pikë, Kosova tuboi 10 sosh në vendin e dytë të Grupit B, tri më pak se Zvicra në të parin e shtatë më shumë se Sllovenia në të tretin, kur ka mbetur vetëm edhe një xhiro.
