Gjësende të dyshimta janë gjetur e pamje horrorri janë hasur gjatë pastrimit të bodrumit të ish-Shkollës Teknike në Obiliq, objekt i cili për vite me radhë ka qenë i uzurpuar dhe i keqpërdorur nga individë të ndryshëm, raporton KosovaPress.
Kryetari i Komunës së Obiliqit, Halil Thaçi, ka thënë se pas gjetjeve të dyshimta, komuna ka njoftuar Policinë dhe Prokurorinë, ndërsa në vend kanë dalë edhe njësitë për krime lufte dhe antidrogë.
Thaçi ka deklaruar se fillimisht ishte dyshuar edhe për mundësinë e ekzistimit të një varri masiv, por sipas tij, nga vlerësimet fillestare të njësive policore, dyshohet se në atë hapësirë mund të jenë kultivuar bimë narkotike.
