Hanës 2 muajshe i duhet ndihmë urgjente për trajtim

Vogëlushja, Hana Shushnjaku e cila është vetëm 2 muaj e gjysmë është diagnostikuar me një sëmundje të rrallë dhe serioze të mëlçisë. Në terma mjekësor; Atresia e rrugëve biliare (Gallengangatresie).

Kjo sëmundje nënkupton se rrugët biliare të Hanës nuk janë zhvilluar si duhet, duke pamundësuar funksionimin normal të mëlçisë. Gjendja e saj shëndetësore është e rëndë dhe kërkon ndërhyrje urgjente kirurgjikale si dhe trajtim të specializuar jashtë vendit.

Familja e Hanës po përballet me një sfidë të madhe emocionale dhe financiare në përpjekje për t’i siguruar vajzës së tyre trajtimin e nevojshëm për të shpëtuar jetën e saj.

Çdo ndihmë dhe mbështetje për Hanën është jetike dhe mund t’i japë asaj një shans për jetë dhe shërim.

https://www.gofundme.com/f/jede-spende-zahltshprese-per-femijen-ton?lang=de_DE

Familja apelon tek qytetarët, bizneset dhe të gjithë njerëzit vullnetmirë që të kontribuojnë sipas mundësive për ta ndihmuar Hanën në këtë betejë të vështirë.