Hamza nga Kamenica: Qytetarët jetojnë me paga që nuk mjaftojnë e shpenzime që nuk i përballojnë, stop krizës – ndrysho Kosovën

Kandidati për kryeministër nga PDK, Bedri Hamza, ka ndarë detaje nga tubimi në Kamenicë.

Krahas pamjeve të publikuara, Hamza ka shkruar:

Sonte në Kamenicë folëm për jetën e përditshme të qytetarëve.

Mund të flasim edhe me statistika, por qytetarët e jetojnë realitetin çdo ditë: me paga që nuk mjaftojnë, me shpenzime që nuk po i përballojnë dhe me mungesë perspektive për të rinjtë.

Këtë gjendje e ndjejnë në treg, në barnatore, në shkollë dhe në çdo familje.

Prandaj pyetja është e thjeshtë: Kush duhet të ndryshojë që të ndryshojë kjo gjendje? Kush duhet të ndryshojë që të ndryshojë Kosova?

Përgjigjen do ta japin qytetarët më 7 qershor.

Stop krizës. Ndrysho Kosovën