Deputeti i betuar i PDK-së, Artan Behrami, ka reaguar pasi shefi i EULEX-it, Giovanni Pietro Barbano, ka emëruar Christopher Gosnell si gjykatës të ri në Gjykatën Speciale.
Ai ka bërë me dije se ky është veprim që tregon se Specialja nuk i raporton shtetit të Kosovës.
Në profilin e tij në “Facebook”, Behrami ka shkruar këta gjyqtar i raportojnë EULEX-it dhe UNMIK-ut.
“Për ata që ende mendojnë se Gjykata Speciale është e Kosovës: shikoni se si shefi i EULEX-it i emëron gjykatësit e Speciales. Prandaj këta nuk u raportojnë institucioneve të Kosovës, por u raportojnë EULEX-it dhe UNMIK-ut”, ka shkruar Behrami.
