Eshtrat e 9-vjeçarit Sinan Dauti, i cili u rrëmbye në Mitrovicë më 12 prill të vitit 1999 nga forcat serbe, janë gjetur së fundmi në varrezat e Suhodollit.
Ai do të rivarroset këtë të shtunë nga familja e tij.
Njoftimi:
NJOFTIM:
Lajme
Gjenden eshtrat e 9-vjeçit të rrëmbyer nga forcat serbe gjatë luftës, rivarroset të shtunën
Me dhimbje të thellë dhe mall të pashuar, ju njoftojmë se pas 27 viteve pritje janë gjetur mbetjet mortore të djalit të axhës sonë, Sinan Fadil Dauti, i cili u vra nga forcat kriminale barbare serbe më 12 prill 1999 në Prekaz, në lagjen Bregaj.
Ai ishte plagosur rëndë gjatë asaj dite të kobshme dhe ishte dërguar për trajtim në spitalin e Mitrovicës, ku më pas kishte ndërruar jetë. Për shumë vite me radhë, trupi i tij nuk na ishte kthyer, duke lënë plagë të hapur në zemrat tona. Pas një pritjeje të gjatë e të dhimbshme, ai është gjetur në varrezat e Suhadollit në Mitrovicë.
Varrimi i tij do të bëhet më datë 18.04.2026, ditë e shtune në ora 13:30, në Prekaz të Epërm, në varrezat e lagjes Bregaj.
Lavdi e përjetshme për të gjithë të rënët për liri!.