Gjashtë të lënduarit nga aksidenti në Zhabar lirohen nga spitali në shtëpi

6 persona kanë mbetur të lënduar si pasojë e një aksidenti.

Rrethanat e aksidentit u sqaruan nga Policia.

“Sot, rreth orës 16:40, në rrugën “Ulqini” në Mitrovicë, ka ndodhur një aksident trafiku me lëndime. Në aksident janë përfshirë dy vetura, ku si pasojë e aksidentit lëndime trupore kanë pësuar gjashtë persona. Të lënduarit janë dërguar për trajtim mjekësor.”, tha zëdhënësi i PK-së për Mitrovicën e Jugut, Avni Zahiti.

Edhe zëdhënësi i Spitalit të Mitrovicës “Dr. Sami Haxhibeqiri”, Shpend Fazliu, ka konfirmuar për “Mitropol” se në ora 16:55, gjashtë persona kanë kërkuar ndihmë mjekësore në Shërbimin Emergjent si pasojë e këtij aksidenti.

Sipas tij, pas ekzaminimeve dhe trajtimit të nevojshëm mjekësor, të gjithë të lënduarit janë liruar në shtëpi, pasi kanë pësuar vetëm lëndime të lehta trupore.