Deputeti i LDK-së, Arben Gashi, ka deklaruar se sistemi i drejtësisë në Kosovë po përballet me krizë dhe se reforma e thellë është urgjente .
Ai tha se për pesë vite janë bërë tentime për ndryshim, por shumica dështuan ose u rrëzuan si kundërkushtetuese.
Gashi kërkoi ristrukturim të mekanizmave të hetimit dhe ndjekjes së krimit, një gjyqësor profesional dhe të llogaridhënies, si dhe një qasje të bashkuar që shmang ndikimet politike.
Sipas tij, pa vullnet të ndershëm dhe ekspertizë të jashtme, çdo reformë e drejtësisë do të mbetet vetëm një premtim i pambajtur.
