Ferati pas takimit me familjen Sadikaj e Gashi: Jemi këtu për zhvillimin e fshatrave tuaja dhe për të ardhmen tonë të përbashkët

Kryetari i Istogut, Ilir Ferati sot qëndroi tek oda e familjes Sadikaj dhe familja Gashi, shkruan DEMOS.

Ferati deklaroi se besimi i qytetarëve që e kishin për LDK-në në Istog nuk është zbehur asnjëherë.

“Nga oda e familjes Sadikaj, plot diskutime për Shushicën, deri te familja Gashi për Prigodën bashkë me kandidatin tonë Shefqetin!

Besimin tuaj e kemi që herët dhe përkushtimi ynë për ta mbajtur e forcuar nuk është zbehur asnjëherë, prandaj jemi sërish së bashku, për zhvillimin e fshatrave tuaja dhe për të ardhmen tonë të përbashkët.

Faleminderit nga zemra për mbështetjen e vazhdueshme”, tha Ferati.